Doğulduğumuz zaman cəmi 33 fəqərəmiz olur. Yetkinləşdikcə bu say 26-ya qədər azalır.

Səhər yuxudan oyananda boyumuz uzanmış olur. Bunun səbəbi isə 8 saat və daha artıq yatdığımız zaman qığırdaqlarımızın genişlənməsidir.

Aztibb.az xəbər verir ki, Bakı Neyrocərrahiyyə Mərkəzi sosial şəbəkədə bununla bağlı məlumat paylaşıb.

Kosmonavtlar uzun bir fasilədən sonra Yerə qayıtdıqda da boyları artmış olur. Bunun səbəbi isə kosmosda cazibə qüvvəsi ilə mübarizə aparmadıqları və nəticədə yenə fəqərələrarası qığırdaqların genişlənməsidir.

Sağlam insanın onurğa sümüyü çox elastikdir.

Onurğanın da yaddaşı var. Mərkəzi sinir sisteminin bir hissəsi olaraq onurğa beynində öyrənmə və yaddaş üçün elementar mexanizmlər var. Bu mexanizmlər beyində olduğu kimi olmasa da, onurğanın yaşadığı travmaları və ağrını qavraya bilir. Beləliklə, travma sağalana qədər həmin ağrıları qoruyur.