Təəssüf ki, depressiyanın səciyyəvi təzahürləri və nəticələri barədə insanların məlumatı çox aşağı səviyyədədir. Buna görə də xəstələrin çoxuna yalnız depressiyanın kəskinləşdiyi vaxtda kömək göstərilir, bəzən isə ümumiyyətlə kömək göstərilmir.
Aztibb.az xəbər verir ki, psixoloq Cəmilə Rəhimli depressiya zamanı bəzi davranışlarla bağlı məqamlara toxunub:
Psixoloq bildirib ki, depressiya nəticəsində edib amma fərqində olmadığımız bəzi davranışlara yol verə bilirik.
Bunlar aşağıdakılardır:
Düşüncələrinizdən qaçmaq üçün telefonla məşğuliyyət;
Gündəlik işlərinizi anidən günlərlə (hətta həftələrlə) təxirə salmaq;
Bir vaxtlar çox zövq aldığınız şeylərdən uzaqlaşmaq;
Gələcək haqqında danışmaqdan (bəzən düşünməkdən də) çəkinmək;
Düşüncələrinizlə tək qalmamaq üçün gecə gec saatlara kimi mesajlaşmaq.
Unutmayaq ki, depressiya sadəcə "kədər” hiss etməkdən ibarət olan bir hal deyil, bir çox fərqli şəkildə həyatımıza təsir edir.