Bilirsizmi göz əzələləri orqanizmin ən cəld yığıla bilən əzələridi. Hər saniyədə 5 dəfə göz qırpmaq mümkündür. Göz qırpma nə dərəcədə faydalıdır?

Aztibb.az xəbər verir ki, oftalmoloq Naibə Bağırova göz qırpmanın faydaları haqqında məlumat verib.

Həkim bildirib ki, göz qırpma zamanı göz önündə yaş təbəqə əmələ gəlir və bu da şəffaf görmə üçün vacibdir. Həmçinin gözü nəmləndirir, gözün ön hissəsini təmizləyir. Göz hər dəfə yumulub açılanda tam işini yenidən qurur.

Oftalmoloqun sözlərinə görə, qırpma sistemində hər hansı dəyişiklik çox nadir görünə bilər. Əğər bu baş verərsə gözdə ciddi narahatlıq başlamış olur.