Bağırsaqlarımız sağlam olduqda, bədənimizin qalan hissəsi adətən xoşbəxtdir. Çünki bağırsağımız həzmdən tutmuş beynimizə və immunitet sistemimizə qədər hər şeyə təsir edir.

Aztibb.az xəbər verir ki, qastroenteroloq Nərmin Novruzova bağırsaqların fəaliyyəti ilə bağlı bəzi məqamlara diqqət çəkib.

Bağırsaqlarda işlər yaxşı getmirsə, narahatlıq siqnalı göndərir.

Çox vaxt bu siqnallar həzm sisteminin simptomları şəklində özünü göstərir. Diqqəti cəmləyə bilməmək, dəri problemləri və s.

Bu, ilk növbədə bağırsaqlarda bakteriyaların tarazlığının pozulduğunu göstərir. Uzun müddətli balanssızlıq da bağırsaq baryerini pozur.

Bu simptomlar bağırsaqlarımızın dəstəyə ehtiyacı olduğuna dair ipuculardır.

Həkim qeyd edir ki, belə olduqda pəhrizinizi nəzərdən keçirin: “Yalnız təmiz pəhriz balansı bağırsaqları bərpa etməyə kömək edə bilər. Doğru pəhriz şəkərsiz, qlütensiz, fastfood və qatqısız qidalardan və real qidalardan ibarət pəhrizdir”.

Heç bir şikayətiniz olmasa belə, vaxtaşırı cəmi 10 gün təmiz pəhriz tətbiq etmək orqanizmin özünü bərpa etməsinə şərait yaradır.