İstanbul Universitetinin professoru Bilun Gemicioğlu, aylardır davam edən xroniki öskürəyin səbəblərindən birinin hava çirkliliyi ola biləcəyini bildirib.

Aztibb.az cumhuriyet.com.tr-yə istinadən xəbər verir ki, dünyanın hər gün ən böyük problemlərindən biri olan havanın çirklənməsi səbəbindən dünyada hər il milyonlarla insan həyatını itirir.

Sürətli və plansız urbanizasiya, nəqliyyatın çoxluğu, keyfiyyətsiz yanacağın istifadəsi kimi müxtəlif səbəblərdən 30-dan çox maddə havanı çirkləndirir. Aldığınız hər nəfəs bədənə zərər verir və bir çox xəstəliklərə səbəb olur.

Alim mövzu ilə bağlı açıqlamasında hava çirkliliyinin bütün dünyada günü-gündən artmağa davam etdiyini bildirib.

Artımdan dünya əhalisinin yüzdə 90-ının təsirləndiyini ifadə edən professor  qeyd edib ki, hava çirkliliyi ilə bağlı Ümumdünya Səhiyyə Təşkilatının (ÜST) müəyyən etdiyi müəyyən standartlar var. Təəssüf ki, dünyanın bir çox yerində hava çirkliliyi bu standartı ötüb.

İnsanlarda xroniki öskürəyin bir çox səbəbinin olduğunu vurğulayan B.Gemicioğlu əlavə edib ki, reflü və ya burun axıntısı da xroniki öskürəyə səbəb ola bilər: “Amma iki aydan çox davam edən xroniki öskürəyiniz varsa, davamlı çirkli havada çalışan insanlarda öskürəyin səbəbi hava çirkliliyi ola bilər. Bu, təhlükədir, həm ölümün, həm də bir çox xəstəliklərin əsas səbəbidir”.