İspaniyada artıq 850 min nəfərdən çox adam COVID-19 virusunun daşıyıcısıdır. Ölkədə bu virus­dan ölənlərin sayı da çoxalıb. İspaniya hökuməti sərt karantin rejiminə keçib. Şəhərlərarası gediş-gəliş qadağan edilib.

Fransanın pay­taxtı Parisdə və onun ətraf qəsəbələrində virusa yoluxma kəskin dərəcədə artıb. Belə ki, hər 100 min nəfərdən 500-ü COVID-19 daşıyıcısıdır. Virusa yoluxanların əksəriyyəti 20-30 yaşlarında olan gənclərdir.

Böyük Britaniyada sutka ərzində 12,5 min nəfər korona­virusa yoluxub. Həkimlər bildiriblər ki, virusa yoluxanların sayının artacağı gözlənilir. Hakimiyyət orqanları sərt karantin rejiminə keçmək barədə məsləhətlər aparırlar.

ABŞ-da isə COVID-19 virusuna yoluxanların sayı kəskin şəkildə artır. Artıq Nyu-York şəhərinin əksər rayonlarında məktəblər bağlanıb. Sərt karantin rejiminin elan edilməsi gözlənilir.