Mərkəzi Klinikada növbəti böyrək transplantasiyası uğurla həyata keçirilib. Xroniki böyrək xəstəliyindən əziyyət çəkən vətəndaşa qardaşının böyrəyi köçürülüb.

Aztibb.az-a bu barədə Mərkəzi Klinikadan məlumat verilib.

Əməliyyatı ümumi cərrah, transplantoloq Tariyel Nadirov icra edib.

Öncə xəstənin qardaşı donor olmaq üçün müayinələrdən keçirilib.

Nəhayət qardaşının bağışladığı tam uyumlu böyrəklə bacısı yenidən sağlam həyatına qayıdıb.

Bildirilib ki, donor əməliyyatdan üç gün sonra, xəstə isə bir həftə sonra klinikadan evə buraxılıb.