ABŞ-ın "Pfizer" əczaçılıq şirkəti və türk alimi prof. Dr. Uğur Şahinin qurucu tərəfdaşı olduğu alman biotexnologiya şirkəti "BioNTech"in yeni növ koronavirusa (COVID-19) qarşı hazırladığı vaksinin potensial peyvənd kimi qeydiyyata alınması üçün Avropa Dərman Agentliyinə (EMA) lisenziya müraciəti edilib.
Aztibb.az medimagazin.com.tr-yə istinadla xəbər verir ki, EMA "BNT162b1" adlı peyvəndin "Rolling Review" adlı mərhələ ilə tədqiq olunduğunu və COVID-19-a qarşı sınaqdan keçirilən ikinci peyvənd olduğunu bildirib.
Qeyd edək ki, bundan öncə EMA Oxford Universiteti ilə birgə peyvənd tədqiqatları aparan "AstraZeneca" əczaçılıq şirkətinin COVID-19-a qarşı peyvənd hazırladığını elan etmişdi.
Agentlik bu peyvənd namizədlərə lisenziya verərsə, şirkətlər istehsal mərhələsinə başlayacaqlar.
