İranda koronavirusa qarşı mübarizə tədbirlərinə baxmayaraq ölüm halları yenidən artır. Yerli mətbuat bunu pandemiyanın ikinci dalğası adlandırır. Bu günə olan məlumata görə, İranda 4 min 151 nəfər koronavirusa yoluxub, 227 nəfər isə vəfat edib.

Aztibb.az xəbər verir ki, bu barədə məlumatı İranın Səhiyyə Nazirliyinin mətbuat katibi Sima Səadət Lari gündəlik mətbuat konfransında deyib. Bununla da, İranda COVID-19-a yoluxanların ümumi sayı 479 min 825 nəfərə, ölənlərin sayı isə 27 min 419-a çatıb.

Müalicəsi davam edən 3 mindən çox xəstənin vəziyyəti isə ağır olaraq qalır. 

Qeyd edək ki, Tehran daxil olmaqla İranın 14 vilayəti hələ də qırmızı zonaya daxildirlər.