Aparılan son araşdırmalara görə, koronavirusa yoluxan süd verən analar lazımi tədbirləri görməklə övladına süd verə bilərlər.

 

Aztibb.az xəbər verir ki, ana südü zəngin tərkibi ilə uşağı yalnız infeksiyadan deyil, bir çox digər xəstəliklərdən də qoruyur. Ana südünün yerini heç bir əlavə qida verə bilməz. 

 

Həkimlər bildirirlər ki, əlavə qidaya keçməzdən əvvəl körpənin sadəcə ana südü ilə qidalanmağı yetərlidir. Ümumdünya Səhiyyə Təşkilatı körpənin 2 yaşına qədər əmizdirilməsini məsləhət görür.

 

 

Həkimlər qeyd edirlər ki, koronavirus testi müsbət çıxan ana dərman istifadə etmədən xəstəliyi yüngül keçirirsə süd verməyə davam edə bilər. Lakin burada hər zamankı kimi maska, sosial məsafə kimi qaydalara əməl edilməlidir. Ana əllərini tez-tez yumalı, çox insanla təmasda olmamalıdır. Bəzən süd verən qadın xəstəliyi ağır keçirə və əlavə dərmanlar qəbul etmək məcburiyyətində qala bilər. Belə hallarda ana südünə ara vermək lazımdır.