Günün müxtəlif vaxtlarında fiziki fəaliyyət bədənimizə müxtəlif yollarla təsir edə bilər, çünki bioloji proseslər yandırılan yağ miqdarına da təsir göstərir. 

Aztibb.az zdr.ru-ya istinadən xəbər verir ki, günün vaxtının yağ yandırmağa necə təsir etdiyini öyrənmək üçün Kopenhagen Universitetinin tədqiqatçıları günün iki ayrı vaxtlarında yüksək intensivlikli məşq seansından sonra siçanların yağ toxumasını tədqiq ediblər. Xüsusilə, yağ mübadiləsinin müxtəlif göstəriciləri və məşqdən dərhal sonra piy toxumasının fəaliyyəti ilə əlaqəli genlərin vəziyyəti öyrənilib. 

Təhlillərin nəticələri göstərib ki, heyvanların aktiv oyanması dövrünə düşən birinci (səhər) mərhələdə daha yüksək metabolizm və termogenez sürəti, həmçinin metabolik genlərin daha aydın transkripsiyası müşahidə olunub. İkinci mərhələdə isə birincidə olduğu qədər effektiv nəticələr müşahidə edilməyib. 

Tədqiqat müəllifləri izah ediblər ki, düzgün zamanlama bədənin enerji balansı və faydalı məşq üçün vacibdir. Lakin siçanlarla təcrübənin göstəricilərinin insanlara uyğunluğu ilə bağlı hər hansı qəti nəticə çıxarmaq üçün daha çox araşdırmaya ehtiyac var. Gələcəkdə əldə edilən məlumatlar təlim planı hazırlamaq üçün faydalı ola bilər.