Piylənmə xərçəng, diabet və ürək-damar xəstəlikləri kimi bir çox yoluxucu olmayan xəstəliklər üçün əsas risk faktorudur. 

Aztibb.az glas.ru-ya istinadən xəbər verir ki, amerikalı alimlər həkimləri “TikTok”da sağlamlıq və arıqlamağa dair videolar yaymağa çağırıblar. 

Rəqəmsal dünya insanları passiv məlumat alıcılarından aktiv məlumat axtaranlara çevirib. İnsanlar indi oxşar sağlamlıq məqsədləri olan insanlarla əlaqə saxlaya bilir və sosial media bunda böyük rol oynayır.

“Public Health” nəşri yazır ki, bununla bağlı tədqiqat aparan alimlərin tövsiyələrinə görə tibb işçiləri sağlamlıq və arıqlamaq üçün digər tədbirlərə əlavə olaraq, “TikTok”dan da faydalanmalıdırlar. 

Gələcəkdə mütəxəssislər sosial medianın arıqlamağa və ümumi sağlamlığa necə təsir edə biləcəyini anlamaq üçün daha çox araşdırma aparmağı planlaşdırırlar.