Həkim-neyroendokrinoloq Yuri Poteşkin kompüter qarşısında, stol arxasında oturarkən belə qan şəkərini necə azaltmağın sirrini açıb.
Aztibb.az novostivl.ru-ya istinadən xəbər verir ki, bunun sirri oturarkən belə bir az fiziki fəaliyyətlə məşğul olmaqdır. Məsələn, ayaqla məşqlər etmək, ayağın qaldırılması, endirilməsi və s.
Araşdırmalara görə, hətta kiçik bir məşq qan şəkərini aşağı salmağa kömək edə bilər.
“Ayaqların hərəkəti zamanı əzələ qan qlükozasından istifadə edir, qlikogen istehlak olunur və bundan sonra qanda qlükoza azalmağa davam edir, çünki əzələ sərf olunan qlikogeni doldurmağa çalışır”, – deyə həkim bildirib.
Davamlı nəticəsi olsun deyə, bu cür məşqlər müntəzəm olaraq aparılmalıdır. Şəkərin azaldılmasının effektivliyi məşqin intensivliyindən asılıdır, buna görə də qaçış və gəzinti ən yaxşı nəticəni verir, lakin işdən yayınmadan oturaq halda edilə bilən məşqlər də faydalıdır.