Həkimlər gələnə qədər xəstəyə lazımi təcili yardım göstərmək üçün hər bir ailənin evdə ilk tibbi yardım dəsti olmalıdır. 

Aztibb.az pravda.ru-ya istinadən xəbər verir ki, terapevt Tatyana Romanenko müsahibəsində ailəyə ilk yardım üçün lazım olan dərmanların siyahısını sadalayıb. 

Həkimin sözlərinə görə, hətta sağlam ailənin də təcili yardım dəstinə ehtiyacı var: 

sarğılar,

jiqutlar,

yaraların və ya kəsiklərin müalicəsi üçün antiseptik vasitələr,

anti-allergik dərmanlar.  

Mütəxəssis qeyd edib ki, xüsusi dərmanları həkiminizlə müzakirə etmək məsləhətdir. 

"İlk yardım dəstində qızdırma salan dərmanlar da olmalıdır. Təhlükəsiz olanlar parasetamol və ibuprofendir", - ekspert xatırladıb. 

Bundan başqa, evdə sorbentlərin olması vacibdir, adi aktivləşdirilmiş karbon ola bilər.  

Həkim əlavə edib ki, temperaturun aşağı salınması üçün dərmanlar baş ağrısının da öhdəsindən gəlməyə kömək edir.