Ermənistanda koronavirusa yoluxma kütləvi hal alıb. Təkcə son sutka ərzində yeni növ koronavirus (COVID-19) infeksiyasına 571 yoluxma faktı qeydə alınıb, 5 nəfər ölüb.

Aztibb.az xəbər verir ki, bu barədə Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi məlumat yayıb.

Bildirilir ki, Ermənistanda indiyədək COVID-19-a yoluxanların ümumi sayı 52 min 496-ya yüksəlib. Ermənistanda koronavirusdan ölənlərin sayı 977 nəfərdir. Digər səbəblərdən ölən koronavirus xəstələrinin sayı isə 302 nəfərdir.

Hazırda Ermənistanda 6545 aktiv koronavirus xəstəsinin olduğu bildirilir.