Almaniyalı mikrobioloq Culiya Endersin bu kitabında barəsində insanlar arasında danışılması xoş olmayan, çox vaxt kölgədə qalan, amma olduqca vacib məsələlərə toxunulur: mədə, bağırsaq, həzm, həzm prosesinin gedişatı, həzmin əhval-ruhiyyəmizə təsiri, qidanın vücudumuzdan xaric olunması və s.

Həmçinin kitabda tabu mövzusu olan böyük bayıra çıxmanın düzgün qaydalarından və bu qaydalara riayət olunmasının insan sağlamlığına necə müsbət təsir göstərməsindən danışılır.

Bütün bunlar elə bir elmi-bədii üslubda verilir ki, kitabı oxuduqca insan həm zövq alır, həm də elmi bilgilərə yiyələnir. Kitab həm tibb sahəsində oxuyan tələbələr üçün əhəmiyyətli olmaqla yanaşı, eyni zamanda bütün insanlar üçün də faydalıdır, çünki hər bir insan öz sağlamlığının qeydinə özü qalmalıdır və bu kitabda da bununla bağlı dəyərli elmi məsləhətlər yer alır.

Kitab “Qanun” nəşriyatı tərəfindən Azərbaycan dilində də çap edilib.

Aztibb.az