Yeni mühazirə dərsliyi nəşr olunub
01.10.2026 16:12

Azərbaycan Tibb Universitetinin (ATU) Tibbi biologiya və genetika kafedrasında tələbələrin elmi-nəzəri hazırlığının gücləndirilməsi istiqamətində növbəti təşəbbüs həyata keçirilib. Kafedranın professoru, biologiya elmləri doktoru Yeganə Şəkərəliyevanın müəllifi olduğu yeni mühazirə dərsliyi nəşr olunaraq tələbələrə hədiyyə edilib. 

 

ATU-dan Aztibb.az-a verilən xəbərə görə, müasir tibbi biliklər və tədris proqramının tələbləri nəzərə alınmaqla hazırlanan nəşrdə fənn üzrə əsas mühazirə mövzuları sistemli şəkildə təqdim olunub. Dərslik tələbələrin nəzəri biliklərini möhkəmləndirmələri, mövzuları daha dərindən mənimsəmələri və tədris prosesində əldə etdikləri biliklərdən səmərəli istifadə etmələri üçün zəruri materialları özündə birləşdirir. 

 

Azərbaycan, ingilis və rus dillərində hazırlanan mühazirə dərsliyi ATU-nun bütün fakültələrində təhsil alan tələbələrin istifadəsi üçün nəzərdə tutulub. Nəşrin üç dildə təqdim olunması tələbələrin müasir tədris resurslarına çıxış imkanlarının genişləndirilməsinə xidmət edir.

 

Dərsliyin 15 nüsxəsi ATU-nun kitabxanasına da təhvil verilib. Bununla nəşrin daha geniş tələbə və müəllim auditoriyasının istifadəsinə verilməsi, eyni zamanda universitet kitabxanasının fondunun zənginləşdirilməsi təmin olunub. 

 

Qeyd edək ki, ATU-da tələbələrin müasir tədris resursları ilə təmin olunması istiqamətində bu, ilk təşəbbüs deyil. Kafedra tərəfindən əvvəlki illərdə də üç dildə tədris vəsaitləri hazırlanaraq tələbələrin istifadəsinə təqdim edilib. 

 

Belə ki, “Tibbi biologiya və genetika fənnindən praktiki məşğələlər” adlı dərs vəsaiti Azərbaycan, ingilis və rus dillərində hazırlanaraq 2024-cü ildə tələbələrə təqdim olunub. Eyni zamanda həmin vəsaitin 30 nüsxəsi üç dildə universitet kitabxanasına təhvil verilib. 

 

Yeni mühazirə dərsliyinin tələbələrə hədiyyə edilməsi kafedranın bu istiqamətdə formalaşdırdığı ənənənin davamı olmaqla yanaşı, tələbələrin elmi və tədris resursları ilə təmin olunmasına növbəti töhfədir. 

 

ATU-nun bu qəbildən olan təşəbbüsləri tələbələrin nəzəri hazırlığının möhkəmləndirilməsi, tədris-metodik bazanın zənginləşdirilməsi və təhsil prosesinin keyfiyyətinin yüksəldilməsinə xidmət edir.

ÇOX OXUNANLAR
1-ci tip diabetin inkişafını gecikdirən dərman ilk dəfə xəstəyə tətbiq edilib
Araşdırma: Yüksək dozada Omeqa-3 qəbulu belə yaddaş zəifləməsinin qarşısını almayıb  
Ürəyin işemik xəstəliyi diaqnozu ilə müraciət edən pasiyent üzərində AKŞ əməliyyatı uğurla icra olunub - Tədris Cərrahiyyə Klinikası
Rəşad Şolanın yeni cərrahi metodu beynəlxalq konqresdə qalib seçilib
Rəşad Şolanın ixtirası dünyada birinci oldu
 Mərkəzi Gömrük Hospitalının şöbə rəisi “Certificate of Merit” Fəxri Xidmət Sertifikatı ilə təltif olunub   
Ağdərə rayonunun Suqovuşan qəsəbəsində tibbi aksiya: 10 nəfərə zəruri xidmətlər göstərilib
Şirvan ŞMX-da ağır əl travması alan pasiyent üzərində uğurlu əməliyyat icra olunub
TƏBİB: Ötən ay təcili tibbi yardım xidməti tərəfindən 131 305 nəfərə tibbi yardım göstərilib
45 dəqiqəlik mübarizə, bir ömrə verilən ikinci şans – Həkimlər pasiyenti həyata qaytardılar
Uşaqlıq qanaxması şikayəti ilə müraciət edən xəstəyə cərrahi müdaxilə həyata keçirilib - Tədris Cərrahiyyə Klinikası
Huawei diabetə nəzarət üçün yeni davamlı qlükoza monitorinq sistemini təqdim edib
Dəri altında yaranan şişlik dermoid kista ola bilər
Alimlər Altsheymer xəstəliyinin qarşısını ala bilən burun damcısı hazırlayıblar  
8 yaşlı pasiyent üzərində mürəkkəb rekonstruktiv əməliyyat icra olunub