Toksikoloq Mixail Kutuşov kiflənmiş qidaların qəbulunun zərərlərindən danışıb. 

Aztibb.az sm.news-a istinadən xəbər verir ki, həkimin sözlərinə görə, tərəvəzlərin və ya çörəyin kifli hissəsinin təmizlənməsi mümkün zəhərlənmədən qorumur. Təhlükəli göbələklərin sporları görünməsə belə məhsulda olur. 

Qeyd edir ki, kiflənmiş qida bronxial astma, allergiya və mədə-bağırsaq xəstəliklərinə səbəb ola bilər.

Kif immuniteti zəif olan insanlar üçün xüsusilə təhlükəlidir. 

Onkoloqlar da xarab olmağa başlayan qidaların istehlak üçün uyğun olmadığını bildirir. Belə  izah edilir ki, orqanizmdə göbələklərin olması immuniteti azaldır, bədxassəli şişlərin yaranma riskini artırır.