Saç tökülməsinə müəyyən dərmanlar, hormonal dəyişikliklər, stress və genetik amil kimi bir sıra səbəblər gətirib çıxarır. 

Aztibb.az yunostsibiri.ru -ya istinadən xəbər verir ki, bu barədə “Nutrients” elmi jurnalında məqalə dərc olunub.  

Çinli tədqiqatçılar saç tökülməsi ilə şəkərli içkilər arasında əlaqənin olduğunu müəyyən ediblər. Bunlara şəkərli şirələr, qazlı içkilər, şəkərli qəhvə daxildir.  

Bütün bunların gənc kişilərdə saç tökülməsinə səbəb olması ilə bağlı nəticələr 18-45 yaşlarında olan 1028 nəfər arasında keçirilən sorğu zamanı əldə edilib. Respondentlər yüksək şəkərli içkilər içdiklərini bildiriblər. 

Daha sonra alimlər insanların orqanizmini, fiziki fəaliyyətini, vərdişlərini, yuxu rejmini və irsi faktorlarını qiymətləndiriblər. Müəyyən edilib ki, insan şəkərli içkiləri nə qədər tez-tez içsə, keçəlləşmə riski bir o qədər yüksəkdir. 

Qeyd edilir ki, həddindən artıq miqdarda şəkər qlükoza konsentrasiyasının artmasına səbəb ola bilər ki, bu da poliol yolunun həddindən artıq aktivliyinə gətirir. Bu yol qlükozanın fruktoza çevrildiyi yer kimi tanınır. Bu proses çox aktivdirsə, saçın tökülməsi də daxil olmaqla digər sağlamlıq problemləri yaranır.