Amerika Ürək Assosiasiyasının məlumatları pandemiyanın ilk ilində COVID-19-un ürək-damar sağlamlığına və ölüm nisbətlərinə böyük təsirini ortaya qoyur.
Aztibb.az-ın medimagazin.com.tr-yə istinadla xəbərinə görə, məlumatda qeyd olunur ki, ABŞ-da ürək xəstəliyi və insult kimi ürək-damar problemlərindən ölümlər 2019-cu ildə 874 min 613 idisə, 2020-ci ildə bu rəqəm 928 min 741-ə yüksəlib. Yaşa uyğunlaşdırılmış ölüm nisbəti də on ildə ilk dəfə 2020-ci ildə artıb.
San-Fransiskodakı Kaliforniya Universitetinin tibb üzrə professoru Mişel Albert Amerika Ürək Assosiasiyası və Milli Sağlamlıq İnstitutları tərəfindən tərtib edilən illik hesabatı təqdim edərkən, COVID-19-un ürək-damar sağlamlığına həm birbaşa, həm də dolayı yolla təsir etdiyini deyib.
Hesabat pandemiyanın ilk ilində amerikalıların sağlamlığına və uzunömürlülüyünə böyük ziyan vurduğuna dair sübutlar ortaya qoyub. Xəstəliklərə Nəzarət və Qarşısının Alınması Mərkəzinin əvvəlki nəticələri 2020-ci il üçün hər bir demoqrafik qrupda ürək xəstəliyindən ölüm nisbətinin pisləşdiyini hesablayıb.
