Xəstəliklərdən şikayətlər günü-gündən artır. Sağalmış kimi görünən, lakin sonra təkrarlanan xəstəliklər və uzun müddət davam edən öskürək şikayəti son zamanlar çox eşidilir.
Aztibb.az cumhuriyet.com.tr-yə istinadən xəbər verir ki, əvvəlki illərlə müqayisədə qripə yoluxmalarda ciddi artım qlobal narahatlıq doğurur. Həkimlər insanları müalicəsi və sağalması həftələr çəkə bilən yeni qrip epidemiyası barədə xəbərdar edir.
“Son 3 il immunitet, qorunmaq sözləri ilə keçdi. Biz güclü immunitetdən bəhs edirik, amma əslində balanslaşdırılmış immun sistemindən danışmaq daha doğru olar”, – yoluxucu xəstəliklər üzrə mütəxəssis Esra Ergün Ali bildirib.
Mütəxəssis qeyd edib ki, təkcə virusdan qorunmaq deyil, balanslaşdırılmış immunitet sistemi üçün ən vacib olan balanslı və düzgün qidalanma, keyfiyyətli yuxu və düzgün nəfəs almaq sağlamlığımız üçün mühüm şərtlərdir.