Çin Kiberməkan İdarəsi (CAC) Bahar Festivalı zamanı internetdə COVID-19 epidemiyası ilə bağlı yazılara qarşı tədbir görəcəyini bildirib. 

Aztibb.az 525-ci qəzetə istinadla xəbər verir ki, qurumdan verilən açıqlamada fevral ayının sonuna qədər internetdə COVID-19 epidemiyası ilə bağlı “yalan məlumat və dedi-qodu” yayan və “ümidsizlik hissini artıran” yazıların bloklanacağı açıqlanıb. 

COVID-19 siyasətləri, antiviral müalicələr və xəstə təcrübələri ilə bağlı paylaşımları ilə ictimaiyyəti çaşdıran, çaxnaşma yaradanların cəzalandırılacağı bildirilib və yaşayış yerlərindəki vəziyyətlə bağlı məlumat paylaşan şəxsi hesabların sosial şəbəkələrdə paylaşılacağı vurğulanıb. Açıqlamada: “Bir bölgə ilə bağlı ittihamlar ehtiva edən, qəsdən təşviş yayan, cəmiyyətin qaranlıq tərəflərini şişirdən yazıların bloklanacağı”, - bildirilib. 

Çində ənənəvi Ay təqviminə görə yeni ilin qeyd olunduğu Bahar Festivalı zamanı daxili səyahətlərin artması səbəbindən COVID-19 hadisələrinin ölkə daxilində artacağı təxmin edilir. Mütəxəssislər xəbərdarlıq edir ki, bu dövrdə sağlamlıq imkanları məhdud olan kiçik şəhərlərdə və ucqar kənd yaşayış məntəqələrində baş verə biləcək epidemiyalar problemlər yarada bilər