Hazırda Rusiyada donuz qripinə (H1N1) yoluxma hallarının 80%-i hələ də A tipinə düşür, lakin B variantına yoluxanların sayının artacağı istisna edilmir.

Bu barədə professor Natalya Pşeniçnaya “Rossiyskaya qazeta”ya müsahibəsində danışıb. 

Aztibb.az gazeta.ru-ya istinadən xəbər verir ki, alimin sözlərinə görə bir qayda olaraq, B qripi A qripindən geri qalır, o, əksər hallarda epidemiya mövsümünün ikinci yarısında özünü daha fəal aparmağa başlayır.  

O, həmçinin vurğulayıb ki, virusun hər iki növü insanlar üçün eyni dərəcədə təhlükəlidir və fəsadlar törədə bilər. 

Onun sözlərinə görə, B qripinin əsas əlaməti ishaldır, A tipində isə buna daha az rast gəlinir. 

Tövsiyə olunur ki, qripdən sağaldıqdan sonra multivitamin preparatları qəbul etməli, həmçinin meyvə və tərəvəz yeyilməlidir.