Türkiyəli Qulaq Burun Boğaz Mütəxəssisi Dr. Yunus Karadavut uşaqlarda adenoid və badamcıq əməliyyatları ilə bağlı açıqlama verib. 

Adenoidin qısa təsvirini verən Dr. Karadavut bildirib ki, badamcıqlar və adenoidlər tənəffüs və həzm sisteminin başlanğıcında yerləşən və ilk olaraq tənəffüs edilmiş hava, qida və içki ilə təmasda olan immunitet sistemi toxumalarıdır.  

Aztibb.az cumhuriyet.com.tr-yə istinadən xəbər verir ki, adenoid və badamcıq problemləri məktəbəqədər və məktəb yaşlı uşaqlarda daha çox rast gəlinir. Soyuq hava, yuxarı tənəffüs yollarının infeksiyalarının artması kimi şərtlər də adenoid və badamcıq problemlərini tətikləyir. 

Adenoidlərin həddindən artıq böyüməsi ilə burun tutulması, ağzı açıq yatmaq, xoruldama, yuxu apnesi, tez-tez təkrarlanan yuxarı tənəffüs yollarının infeksiyaları, dişlərin, üz və çənənin inkişafında pozğunluqlar, tez-tez orta qulaq infeksiyaları, eşitmə itkisi, ağız qoxusu, iştahsızlıq, danışma pozğunluğu kimi davamlı burun şikayətləri meydana gələ bilər. 

Belə hallarda və dərman terapiyasından sonra nəticə alınmayan hallarda cərrahiyyə məsləhət görülür. Bundan əlavə, uşaqlarda il ərzində 5-6 dəfədən çox qızdırmalı tonzillit, badamcıqların absesi, badamcıqların həddən artıq ölçüdə olması səbəbindən xoruldama, yuxu apnesi, udma çətinliyi varsa cərrahi müdaxilə məsləhət görülür.