Yeni COVID-19 peyvəndi üzərində çalışdıqlarını deyən BioNTech-in qurucu ortaqlarından olan Uğur Şahin bu peyvəndin virusa qarşı daha təsirli olacağını bildirib.

Aztibb.az-ın medimagazin.com.tr-yə istinadla xəbərinə görə, bunu Uğur Şahin JP Morgan-ın sağlamlıqla bağlı konfransında çıxışı zamanı deyib. O, simptomatik koronavirusa qarşı işləri davam etdirdiklərini və yeni peyvənd üzərində işlədiklərini söyləyib:

"BioNTech-in əvvəlki versiyalarda görülən sünbül zülalını ehtiva edən peyvənd üzərində işləyirik. Biz bütün viruslarda T-hüceyrə epitoplarının 99 faizini ən yaxşı nisbətlə qoruyuruq və düşünürük ki, bu kombinasiyadan istifadə peyvəndin təsirini və keyfiyyətini artıracaq”.

Uğur Şahin şirkət tərəfindən xərçənglə mübarizə ilə bağlı araşdırmaların da davam etdirildiyini bildirib.