Dünyada COVID-19 infeksiyasına yoluxanların sayı 34 milyon nəfəri ötüb.

Aztibb.az pandemiyanın statistikasını aparan "Worldometer" saytına istinadla xəbər verir ki, sentyabrın 30-da dünya üzrə 315 min 678 nəfər koronavirusa yoluxub, 6 min 208 nəfər həyatını itirib.

Saytın son məlumatına əsasən, indiyədək dünyada koronavirus infeksiyasına 34 milyon 185 min 386 yoluxma və 1 milyon 19 min 165 ölüm faktı qeydə alınıb. Eyni zamanda, 25 milyon 446 min 698 nəfər COVID-19 xəstəliyindən sağalıb, müalicəsi davam edən 7 milyon 719 min 523 xəstədən 65 min 896 nəfərin vəziyyəti ağır qiymətləndirilir.