Antalya Teknokentdə fəaliyyət göstərən Nanoen Tədqiqat və İnkişaf qrupu səthlərdə virus, bakteriya və göbələklərə qarşı ion nano gümüş olan bir maye hazırlayıblar.

Aztibb.az xəbər verir ki, bu barədə məhlulun yaradılmasında iştirak edən həkimlərdən biri Ertuğrul Arpaç məlumat verib.

O, bazarda satılan antimikrobial xüsusiyyətləri olan maye məhsulları araşdırdıqlarını və daha təsirli və qalıcı bir qoruma təmin edəcək "Nanodis" adlı bir maye inkişaf etdirdiklərini bildirib.

Akdeniz Universiteti Xəstəxanasının Stomatologiya Fakültəsi klinikasında məhsulu sınadıqlarını söyləyən Arpaç, mayenin bakteriya, göbələk və viruslara qarşı yüzdə 99,99 qoruma təmin etdiyini təyin etdiklərini qeyd edib.

İstehsal etdikləri məhsulun mövcud məhsullardan fərqli olduğunu müdafiə edən Arpaç, "Məhsulumuzda ion nano gümüş var. İon gümüşü ilə səthə çıxan hər hansı bir virus, bakteriya və ya göbələk varsa onu məhv edirik".

"Maye kompüterlərdə, cib telefonlarında və maskalarda istifadə oluna bilər. Məhsul 7 günə qədər təsirli qoruma təmin edir. Birdəfəlik istifadə olunan maskalara səpildikdə, xaricdən gələn virusların, bakteriyaların, göbələklərin ağız və burnuna çatmasının qarşısını alır", - deyə, həkim vurğulayıb

O, bu məhsulun patentləşdirildiyini və Türkiyədə deyil, bütün dünyada da satışa çıxarılacağını deyib.