Bakı Dövlət Universitetində (BDU) elmi seminar keçirilib. Seminarda universitetin Biofizika və biokimya kafedrasının müdiri, professor Rövşən Xəlilov Biotibbi tədqiqatlarda müasir fiziki-kimyəvi üsulların tətbiqi barədə məlumat verib.

Bu barədə Aztibb.az-a BDU-dan məlumat verilib.

Professor R.Xəlilov son illərdə canlı sistemlər üzərində elmi-tədqiqat işləri aparıb. O, professor-müəllim heyəti, magistrant və doktorantların iştirak etdiyi seminarda apardığı tədqiqatlarda əsasən elektron paramaqnit rezonans spektroskopiyası, keçirici elektron mikroskopiyası, skanedici elektron mikroskopiyası, Messbauer spektroskopiyası kimi müasir metodları tətbiq etdiyini diqqətə çatdırıb.

Həmçinin stres amillərin canlı sistemlərə təsiri zamanı onlarda maqnit xassələrinin yaranmasının aşkarlanması elmi əsaslarla şərh olunub.