ABŞ-ın Harvard Tibb Məktəbinin Ceremi Faustun rəhbərlik etdiyi alimlər qrupu COVID-19 və “ispan qripi” (H1N1) pandemiyalarının dünya üçün fəsadlarını müqayisə edib.
Onların hesablamalarına görə, "ispan qripi" ölüm faizini üç dəfə artırıb, amma COVID-19-da bu göstərici dörd dəfə olub. Müəlliflər bildiriblər ki, SARS-CoV-2 infeksiyasının qeyri-kafi müalicəsi 1918-ci ilin H1N1 qrip virusu infeksiyası ilə müqayisədə, daha çox ölümə səbəb ola bilər.
Rusiya ekspertləri də ümumilikdə həmkarlarının qiymətləndirmələri ilə razıdır. Onlar qeyd ediblər ki, son nəticələri yalnız indiki pandemiya bitdikdən sonra müəyyən etmək mümkün olacaq.
Moskva Dövlət Universitetinin Molekulyar biologiya laboratoriyasının aparıcı elmi işçisi Roman Zinovkin bildirib ki, COVID-19 haqqında test nəticələri əsasında əldə edilən məlumatlar hələ 100 faiz dəqiq hesab edilə bilməz.
