Koronavirus epidemiyasının başlanğıcından bəri yerli istehsal olan “Sinovac”dan istifadə edən Çinə ilk dəfə Almaniya tərəfindən peyvənd göndərilir.

Aztibb.az medimagazin.com.tr-yə istinadla xəbər verir ki, Almaniya hökumət rəsmiləri tərəfindən verilən açıqlamada Almaniyanın biotexnologiya şirkəti “BioNTech” və ABŞ-ın dərman şirkəti “Pfizer” ilə əməkdaşlıqda istehsal edilən “BioNTech-Pfizer” peyvəndlərinin Çinə çatdırılmaq üçün yola salındığı bildirilib.

Qeyd edilir ki, ilk dəfə Almaniya vətəndaşlarının xeyrinə göndərilən peyvəndlər istəkdən asılı olaraq Çin vətəndaşları üçün də istifadə oluna bilər. Çatdırılma detalları ilə bağlı təfərrüatlar hələ paylaşılmayıb.