Ötən sutka ərzində İranda koronavirusa 3563 nəfər yoluxub, 207 nəfər isə bu xəstəlikdən həyatını itirib.

Aztibb.az xəbər verir ki, bunu İran Səhiyyə Nazirliyinin mətbuat katibi Sima Səadət Lari gündəlik mətbuat konfransında deyib.
Bununla da İranda bu virusa yoluxanların ümumi sayı 439 min 882, xəstəlikdən ölənlərin sayı isə 25 min 222 nəfərə yüksəlib.

Xüsusi xəstəxanalarda müalicəsini davam etdirən 4023 nəfərin vəziyyəti ağır olaraq qalır. Müalicəsi uğurla bitən 369 min 842 nəfər isə sağalaraq evə buraxılıb.

Qeyd edək ki, İranın 31 vilayətindən 29-u koronavirusla əlaqədar qırmızı zonaya daxildir.