Ötən sutka ərzində Hindistanda COVID-19 infeksiyasına 86 min 508 yeni yoluxma və bu virus səbəbindən 1129 ölüm qeydə alınıb. Bu, ötən gün üçün dünyada sutkalıq ən çox yoluxma və ölüm halıdır. Ümumiyyətlə, Hindistan son bir neçə gündür ki, sutkalıq yoluxma və ölüm hallarının sayına görə bütün ölkələri qabaqlayır.

Hindistanın Federal Səhiyyə Nazirliyi xəbər verir ki, ölkədə ümumi yoluxma hallarının sayı 5 milyon 732 mini ötüb, pandemiya qurbanlarının sayı isə 91 min 149-a çatıb.

Qeyd edək ki, Hindistan COVID-19 virusuna yoluxanların sayına görə ABŞ-dan sonra ikincidir.