Fransada insanlar kifayət qədər peyvənd olunmadığı üçün son istifadə tarixi yaxınlaşan 30 milyon dozadan çox COVID-19 vaksininin atılma riskinin olduğu bildirilib.

Aztibb.az "Express Journal"a istinadən xəbər verir ki, Yüksək Sağlamlıq Şurası (HAS) son istifadə müddəti bitən COVID-19 peyvəndlərinin atılmaması üçün ictimaiyyəti peyvənd olunmağa çağırıb. Hökumətin səylərinə baxmayaraq, COVID-19-a qarşı peyvənd olunanların sayının gündə təxminən 20 minə düşdüyü ölkədə 1,85 milyon şüşə "Moderna" və 1,7 milyon şüşə "Pfizer" markalı peyvəndlərin 30 milyondan çox dozasanın son istifadə vaxtına az qalsa da, hələ istifadə edilməyib. 

HAS, Avropa Dərman Agentliyi tərəfindən təsdiq edilmiş "Omicron" variantı üçün də etibarlı olan bu "Moderna" və "Pfizer" peyvəndlərinin mümkün qədər tez istifadəsini tövsiyə edib. Şura "Pfizer" və "Moderna"nın birinci nəsil COVID-19 peyvəndlərinin bu kampaniya dövründə prioritet olaraq edilməsini istəməsə də, bu peyvəndlərin "bivalent mRNA" vaksinlərinin gəlişi və təsdiq prosesi tamamlanana qədər hazırlanmağa davam edəcəyini bildirib. Digər tərəfdən, "Pfizer Fransa Peyvəndi" Direktoru David Lepoittevin, müddəti bitmək üzrə olan peyvəndlərin boşa getməməsi üçün peyvənd nisbəti aşağı olan ölkələrə bağışlanmasını təklif edib.

Qeyd edək ki, İsveçrə bu yaxınlarda istifadə müddəti bitmiş 294 milyon avro dəyərində olan 10,3 milyon doza COVID-19 peyvəndini məhv edib.