Azərbaycan Respublikası Dövlət Gömrük Komitəsinin Tibbi Xidmət İdarəsinin rəis müavini, t.ü.f.d., dosent İsmayıl Əfəndiyevin “Scopus web of Science” siyahısına daxil olan nüfuzlu “İranian Journal of Public Health” jurnalında məqaləsi dərc olunub.

 

Məqalədə Xəzər dənizində aparılan beynəlxalq yükdaşımalarda kimyəvi təhlükəsizlik normalarına riayət edilməsi, dənizdə çalışan gəmiçilərin sağlamlıqlarının qorunması, eləcə də peşə zəhərlənmələrinin profilaktikasından bəhs edilib.

 

Həmçinin İsmayıl Əfəndiyev 2018-ci ilin oktyabr ayında İranın “Nazmehr” yük gəmisində baş vermiş kütləvi zəhərlənmə hadisəsini təhlil edib, həmin hadisə üzərində gəmi yükdaşımasında kimyəvi təhlükəsizliyin qorunması və peşə xəstəliklərinin profilaktikası üzrə məsləhətlərini verib.