ABŞ-ın "Johnson & Johnson” əczaçılıq şirkəti COVID-19 infeksiyasına qarşı peyvəndin klinik sınaqlarının üçüncü mərhələsinə başlayır.
Aztibb.az "Interfax" agentliyinə istinadla xəbər verir ki, tədqiqatların yeni mərhələsində həm ABŞ-dan, həm də digər ölkələrdən 60 minə yaxın könüllü iştirak edəcək.
“Johnson & Johnson” ABŞ-da koronavirusa qarşı vaksinin üçüncü sınaq mərhələsinə başlayan dördüncü şirkət olub.
Bir qədər əvvəl ABŞ Prezidenti Donald Tramp ölkədə vaksinin 2021-ci ildən xeyli tez istehsal olunacağını deyib. Onun sözlərinə görə, bu istiqamətdə ilk preparat çox güman ki, “Pfizer Inc” şirkətinim hazırladığı peyvənd olacaq.
Eyni zamanda, sentyabr ayında “AstraZeneca” əczaçılıq şirkəti “potensial izah olunmayan xəstəliyin” təhqiqatı ilə əlaqədar COVID-19 əleyhinə vaksinin klinik sınaqlarını dayandırıb.
