Ötən həftə ərzində dünyada koronavirus infeksiyasına 3,1 milyondan çox yoluxma faktı qeydə alınıb, 11 minə yaxın insan ölüb.

Aztibb.az Ümumdünya Səhiyyə Təşkilatının (ÜST) həftəlik epidemioloji bülleteninə istinadla xəbər verir ki, ötən yeddi gün ilə müqayisədə xəstəliyə yoluxma hallarının sayı sentyabrın 5-dən 11-dək 28 faiz, ölüm hallarının sayı isə 22 faiz azalıb.

Sentyabrın 13-nə olan məlumata görə, ÜST-ə pandemiya başlayandan bəri 606 459 140 yoluxma halı və 6 495 110 ölüm haqqında məlumat daxil olub.