Son vaxtlar ölkəmizdə koronavirusa yoluxma sayında artımın müşahidə edilməsi artıq insanları narahat etməyə başlayıb. İndi vətəndaşları düşündürən sual - ölkə daxilində qapanmaların və məhdudiyyətlərin tətbiq edilib-edilməməsidir.

 

Aztibb.az xəbər verir ki, Mərkəzi Gömrük Hospitalının həkim-infeksionisti Dr. Mədinə Abdullayeva və Hospitalın həkim-terapevti Dr.Nərgiz Kərimova bu barədə AzTV kanalının Xəbərlər proqramına danışıblar.

 

Dr.Mədinə Abdulayeva yoluxma sayının artması, xəstəxanalara yerləşdirilən xəstələrin sayının çoxalması müşahidə olunarsa, qapanmaların və məhdudiyyətlərin tətbiqini istisna etmədiyini bildirib.

 

Dr.Nərgiz Kərimovanın sözlərinə görə, virusların yaranma səbəbi hər zaman olduğu kimi immun sisteminin aşağı düşməsi ilə əlaqədardır. Bu da hava şəraiti, insanların düzgün geyinməməsi, düzgün qidalanmaması ilə bağlıdır.

 

Dr.Mədinə Abdulayeva və Dr.Nərgiz Kərimova virusdan qorunmaq üçün tövsiyələri ilə videosüjetdə tanış ola bilərsiniz.