Rusiyanın yeni növ koronavirusa (COVID-19) qarşı hazırladığı "Sputnik V" peyvəndinin gələn həftədən etibarən 40 min könüllü şəxs üzərində tətbiq ediləcəyi açıqlanıb.

Aztibb.az medimagazin.com.tr-yə istinadla bildirir ki, bu barədə Rusiya Birbaşa İnvestisiyalar Fondunun prezidenti Kirill Dmitriyev məlumat verib. O, peyvənd olunmuş insanlar üzərində müşahidələr aparacaqlarını bildirib.

Onun sözlərinə görə, peyvəndin tətbiqindən sonra klinik tədqiqatlar beynəlxalq standartlara uyğun həyata keçiriləcək. Peyvəndləmədən sonra vaksinin müsbət və yan təsirlərinə dair müşahidələr aparılacaq.

"Bütün bu işlər ciddi nəzarət altında baş tutacaq" - deyə K.Dmitriyev bildirib.