Aztibb.az xəbər verir ki, bu barədə təəsüratlarını bölüşən pasiyent Orxan Penahov 2022-ci ilin yanvar ayında Mərkəzi Gömrük Hospitalında 12 gün COVID-19 infeksiyasından müalicə aldığını deyib:

 

"Hospitala çox ağır vəziyyətdə daxil olmuşdum. Qızdırma yüksək, saturasiya aşağı, nəfəsalmam çox çətin idi. Reanimasiya şöbəsində 9 gün müalicə aldıqdan sonra palataya yerləşdirildim. Hospitalın peşəkar tibb komandasının düzgün müalicəsi və ciddi nəzarəti nəticəsində sağalaraq evə yazıldım".

 

Pasiyent klinikada müalicə aldığı müddətdə bütün komanda ilə yanaşı, baş həkim Elman Məmmədovun da xəstələrin vəziyyəti ilə hər gün yaxından maraqlandığını diqqətə çatdırıb.

 

O, yüksək səviyyədə göstərilən tibbi xidmətə görə, Dövlət Gömrük Komitəsi Tibbi Xidmət İdarəsinin rəisi Ceyhun Məmmədova, baş həkim Elman Məmmədova, Reanimasiya şöbəsinin həkimləri – Tural Sadıqova, Mehdi Əliyevə, Rəşad Nəsirliyə, Könül Həsənovaya, Təranə Göyüşovaya, Xəyal Məmmədova, Şahin Mazanova, Sevda Quliyevaya, Mirmənsim Məmmədovaya və müalicədə iştirak edən bütün tibb personalına dərin təşəkkürünü bildirib.