Türkiyədə COVID-19 xəstələri arasında yaşı 65-dən yuxarı olanların sayı digər yoluxanlarla müqayisədə 4 dəfə çoxdur. Reanimasiya şöbəsində yatan ağır xəstələrin əksəriyyəti də bu yaş qrupundan olan vətəndaşlardır.

Aztibb.az xəbər verir ki, bu sözləri Türkiyənin Səhiyyə naziri Fəxrəddin Qoca deyib.

Ölkədə virusla mübarizə məqsədilə yaradılan qrupların sayının dəfələrlə artırıldığını deyən nazir xəstəliyin yoluxma tempinin bölgələrə görə dəyişdiyini qeyd edib. Bildirilib ki, xəstəliyin ən çox qeydə alındığı vilayətlərdən biri də Vandır. Burada yoluxanların sayı ötən ay ilə müqayisədə iki dəfə artıb.