Mərkəzi Gömrük Hospitalında COVID-19 xəstəliyindən 10 gün müddətində müalicə alan 56 yaşlı pasiyent Arzu Nuriyeva Aztibb-az-a aldığı müalicə və cari sağlamlıq vəziyyətindən bəhs edib. O, Hospitalın tibb personalının xəstələrə çox böyük qayğı və diqqət göstərdiyini söyləyib.
Pasiyent Mərkəzi Gömrük Hospitalının baş həkimi Elman Məmmədovun hər gün ona şəxsən baş çəkərək müalicəni nəzarətdə saxladığını deyib:
“COVID-19 xəstəliyinə yoluxduqda ailə üzvlərim böyük narahatlıq keçirdi. Məndə həm də zob xəstəliyi olduğu üçün koronavirusu ağır keçirirdim. Lakin Mərkəzi Gömrük Hospitalında mənim müayinə və müalicələrim yüksək peşəkarlıqla həyata keçirildi. Burada qidalanma, dərman təchizatı və tibbi xidmət üst səviyyədədir. Mən çox sevinirəm ki, Azərbaycanda Avropa standartlarına uyğun belə bir xəstəxana var”.
A.Nuriyeva, həmçinin yaradılan şəraitə görə Dövlət Gömrük Komitəsi Tibbi Xidmət İdarəsinin rəisi Ceyhun Məmmədova, baş həkim Elman Məmmədova, infeksionist həkim Mədinə Abdullayevaya, eləcə də tibb bacıları və digər əməkdaşlara dərin minnətdarlığını ifadə edib.