ABŞ-da epidemiyanın əvvəlindən bəri 500 mindən çox uşaq koronavirus infeksiyasına yoluxub.

Aztibb.az ABŞ KİV-lərinə istinadla xəbər verir ki, bu barədə ABŞ Pediatriya Akademiyasının məruzəsində məlumat yayıb. Məruzədə sentyabrın 3-dək uşaqlar arasında koronavirusa yoluxma halları barədə tədqiqatın nəticələri təqdim edilib. Mütəxəssislər 49 ştatda müxtəlif yaşda uşaqlar arasında yoluxma halları barədə məlumatlar toplayıb. Texas ştatı həmin siyahıya daxil edilməyib.

Sənəddə bildirilir ki, indiyə qədər 513 min 415 uşaq COVID-19 xəstəliyinə yoluxub. Bu, bütün yoluxma hallarının 9,8 faizinə bərabərdir.

Mütəxəssislərin hesablamalarına görə, ABŞ-da hər 100 min uşaqdan 680-i koronavirus infeksiyasına yoluxub, 42 ştatda, o cümlədən Nyu-Yorkda uşaqlar arasında infeksiyadan ölüm halları müşahidə edilib. Uşaqlar arasında ölümlə nəticələnən yoluxma halların ümumi sayı 103-ə çatıb - 0,3 faiz.

Qeyd edək ki, Birləşmiş Ştatlar həm COVID-19 infeksiyasına yoluxma, həm də ölüm hallarının sayına görə dünyada ilk yerdə qərarlaşıb.