Virusoloq Andrey Şelenkov bütün COVID-19 xəstəliyi keçirənlərə sonradan qanın qatılaşması analizindən keçməyi tövsiyə edib.

Aztibb.az xəbər verir ki, o, COVID-19 sonra koaquloqramma, tromboelastoqramma və hemostaz analizlərinin verilməli olduğunu bildirib.

"Koronavirusun əks təsirlərindən biri də qanın qatılaşmasının pozulmasıdır. Ona görə bu 3 testdən COVID-19-dan sağaldıqdan sonra keçmək lazımdır. Əgər bu analizlərdə problem aşkarlanarsa, vaxtında qarşısını almaq olar".

Həkim bildirib ki, eləcə də qanın ümumi analizi mütləqdir. Kliniki analiz orqanizmdə iltihabın tam keçib-keçmədiyini göstərəcək.

"Bir çox COVID-19 xəstələrində herpes virusu aktivləşir", - deyə A.Şelenkov qeyd edib.

Bu da orqanizmi kəskin yorur.