İtaliyanın D'Annunzio Universitetinin alimləri COVID-19 virusunun cəsəddə uzun müddət qaldığı qənaətindədirlər.

Aztibb.az xəbər verir ki, İtaliyada dənizdə çimərkən itən və ertəsi gün qayalıqlarda tapılan Ukrayna vətəndaşının cəsədi dəfnlə bağlı icazələr alınana qədər Chieti Xəstəxanasının meyitxanasında saxlanılıb. Həmin şəxsdə heç bir COVID-19 əlaməti olmayıb.

Cəsəd həkimlər tərəfindən 41 gün ərzində 28 dəfə koronavirus testindən keçirilib. Testin nəticəsi hər dəfə müsbət olub. Əldə edilən nəticə isə COVID-19 virusunun cəsədlərdə qaldığını göstərib. Cəsədin parçalanması səbəbindən 41 gündən artıq müddətdə hər hansı əlavə müayinə aparmaq mümkün olmayıb.

Bildirilib ki, virusa yoluxma riskini müəyyən etmək üçün daha çox araşdırmaya ehtiyac var. Lakin bu günə qədər koronavirusun cəsəddən yayılması ilə bağlı hər hansı bir fakta rast gəlinməyib.

“Journal of Medical Case Reports” jurnalında dərc olunan hesabatda da qeyd olunub ki, mövcud “SARS-CoV-2 RNA” virusu ölümdən sonra 41 günə qədər insan bədənində qalır.