İngiltərədə aparılan araşdırmaya görə, təxminən 60 000 insanda üç aydan çox müddətdə koronavirus simptomları aşkar edilib. Bu kimi hallarda xəstələrin lazımi müalicələri ala bilmədikləri də bildirilib.

Aztibb.az medimagazin.com.tr-yə istinadla xəbər verir ki, İngiltərə Kral Kollecinin London Universitetinin genetik epidemiologiya üzrə professoru Tim Spektorun sözlərinə görə, üç aydan çox müddət ərzində simptomları olan 60 000 xəstədən bəzilərinin vəziyyəti ağır olaraq qalıb, nəfəs darlığı və yorğunluq hissi aradan qalxmayıb. Bəzi xəstələr isə hətta əlil arabasından istifadə etmək məcburiyyətində qalıb.

Professor qeyd edib ki, xəstəliyə yolxumuş insanların bir hissəsi alış-verişə getmək və ya pilləkən qalxmaq kimi gündəlik işlərin öhdəsindən gələ bilmədiklərini bildirirlər.