Koronavirus əleyhinə vaksinin 3 dozasını alan, peyvənd olunduğu halda virusa yoluxan və bu səbəbdən 1 həftə ərzində Mərkəzi Gömrük Hospitalında yatan 48 yaşlı pasiyent Rəşad Qurbanov Aztibb-az-a aldığı müalicə və cari sağlamlıq vəziyyətindən bəhs edib.
O, bildirib ki, müalicə aldığı müddətdə həkimlərin və tibb bacılarının peşəkarlığı ilə yanaşı, ümumilikdə personalın diqqət və qayğısı, mehribanlığı onun tez bir zamanda sağlamlığına qovuşmasında böyük rol oynayıb:
“Artıq müalicəm uğurla tamamlanıb, COVID-19-un heç bir simptomunu hiss etmirəm. Özümü çox yaxşı hiss edirəm”.
Pasiyent göstərilən yüksək səviyyəli xidmətə görə Hospitalın baş həkimi Elman Məmmədova, Dövlət Gömrük Komitəsi Tibbi Xidmət İdarəsinin rəisi Ceyhun Məmmədova, o cümlədən həkimlərə, tibb bacılarına və digər əməkdaşlara dərin minnətdarlığını ifadə edib.