Mərkəzi Gömrük Hospitalının daha bir pasiyenti bu klinikada aldığı müalicənin nəticəsi ilə bağlı təəssüratlarını Aztibb.az-a bölüşüb.
Belə ki, 71 yaşlı Qızbacı Məmmədova koronavirus testi pozitiv çıxdıqdan sonra müalicə almaq üçün təcili tibbi yardım maşını ilə Mərkəzi Gömrük Hospitalına gətirilib. O, 10 gün ərzində burada xüsusi diqqət və qayğı gördüyünü, müayinə və müalicələrinin yüksək səviyyədə həyata keçirildiyini söyləyib:
“Gömrük Hospitalının personalı səhhətimlə hər gün yaxından maraqlanır, analizlər götürür, lazımi tədbirləri görürdülər. Artıq koronavirus xəstəliyini geridə qoymuşam, hazırda özümü tam sağlam hiss edirəm”.
Pasiyent koronavirus əleyhinə peyvənd olunduğunu da vurğulayıb.
Q.Məmmədova AR Dövlət Gömrük Komitəsi Tibbi Xidmət İdarəsinin rəisi Ceyhun Məmmədov, Baş həkim Elman Məmmədov, eləcə də müalicəsində rolu olan həkimlərə, tibb bacılarına yüksək xidmət və yaradılan şəraitə görə dərin minnətdarlığını ifadə edib.