Koronavirusa yoluxmuş 62 yaşlı pasiyent Şirin Maqsudov Mərkəzi Gömrük Hospitalında aldığı müalicədən razı qalıb.

Aztibb.az-a müalicəsinin nəticələri  barədə danışan Ş.Maqsudov Hospitalda ona böyük hörmət, diqqət və qayğı ilə yanaşıldığını, müayinə və müalicələrinin yüksək səviyyədə həyata keçirildiyini söyləyib:

“Hospitalın peşəkar həkimləri və tibb bacıları səhhətimlə mütəmadi olaraq maraqlanır, hər gün lazımi analizləri götürürdülər. 14 günlük mübarizə və düzgün müalicədən sonra artıq koronavirus xəstəliyini geridə qoymuşam, özümü gümrah hiss edirəm”.

Pasiyent göstərilən yüksək səviyyəli xidmətə görə Hospitalın baş həkimi Elman Məmmədova, o cümlədən həkimlərə, tibb bacılarına və digər əməkdaşlara dərin minnətdarlığını ifadə edib.