Koronavirus diaqnozu ilə Mərkəzi Gömrük Hospitalında müalicə alan və sağalan pasiyent Sveta Sadıqova Aztibb.az-a təəssrüatlarını bölüşüb. O, bildirib ki, hospitalda yaradılmış yüksək şərait, peşəkar tibbi personal və həkimlərin səyi nəticəsində koronavirusa qalib gəlib:

“Həyat yoldaşım da koronavirus səbəbindən burada müalicə alırdı. Hər gün bizim səhhətimizlə yaxından maraqlanır, lazımi analizləri götürürdülər. Hər ikimiz orqanizmimizə uyğun, fərdi müalicə təyin edildiyinə, səhhətimizə peşəkar yanaşıldığına görə əlavə dərman və iynələrə ehtiyac olmadan tam şəkildə sağalmışıq”.

Sveta xanım, həmçinin COVID-19 əleyhinə vaksinin 3 dozasını aldığını qeyd edib.

Pasiyent onun müalicəsində rolu olan hər kəsə -  Mərkəzi Gömrük Hospitalının baş həkimi Elman Məmmədova,  həkim infeksionist Mədinə Abdullayevaya, eləcə də digər həkim və tibb bacılarına dərin minnətdarlığını ifadə edib.