Həddindən artıq duz istehlakı təzyiqi artırır. Professor izah etdi
31.01.2022 21:59
“Duz istehlakı tövsiyə olunan həddən artıq olduqda bu vəziyyət hipertoniya başda olmaqla bir çox xəstəliyə yol açır”, – deyə professor Sedat Üstündağ bildirib. Mütəxəssis qeyd edib ki, gündə 5 qramdan çox duz istehlak edilməməlidir.
 
“Təəssüflər olsun ki, özümüzü duzla zəhərləyirik. Arxeoloji məlumatlar bizə göstərir ki, bugünlə dəyərləndirsək, əcdadlarımız gündə 1,5 qram duz istehlak edə bilərdi... Böyrəklərimiz elə qurulub ki, gündə 5 qrama qədər duz çıxara bilir. Amma bu gün orta hesabla duz istehlakı 15 qramdır”.
 
Aztibb.az xəbər verir ki, professor böyrəyin xaricə atdığı duzun miqdarının 3 dəfə çox olduğunu və bunların orqanizmdə toplandığını izah edib.
 
Duzun azaldılması lazım olduğunu vurğulayan Üstündağ bunları söyləyib: “Hər çay qaşığı duz bədəndə üç stəkan yarım su toplayır. Orqanizmdə 700 millilitrədək su qalır. Artıq damar yatağında, yəni damarda 5 litr qan var. Bədəndə tutulan su qana daxil olduqda, damar daxilində təzyiq artır. Bir müddət sonra duz damarın divar qatına girərək onu sıxır və təəssüf ki, qan təzyiqi aktivləşir”.
 
“Ona görə də duzu azaltmaq lazımdır. Əgər duzu azaltsaq, xeyli fayda qazanmış oluruq. Nə qədər çox emal edilmiş qidalardan istifadə ediriksə, bu qidaların tərkibindəki duza fikir verməsək, bir o qədər çox duz qəbul edirik və orqanizmimizi zəhərləyirik. Beləliklə, hipertoniyadan xilas ola bilmirik”, – deyə professor vurğulayıb.